نكت للحيوانات تصدق بقي ؟!

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه

واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو

خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار

مرة نملة بتجرى ورا عربية الاسعاف؟؟؟عشان تتبرع بدمها

بيقولك كان فى واحد عنده كتكوت مفترس كل مايخش قفص الفراخ ياكلهم والقرود ياكلهم المهم راح الراجل خده و رماه فى الصحراء، جه بعد كام يوم الكتكوت صعب عليه رجع يجيبه لقاه نايم والنسور بتحوم حواليه قام قايل ياحبيبى انت مت قام الكتكوت قايم قاله يا راجل كده ينفع بوظت الكمين

كلب قابل كلب تاني فى الشارع فبيقوله هو فرد عليه الكلب التاني وقاله هوهو رد عليه الكلب الاول وقاله بقولك اييه ما تغيرش الموضوع

مرة كان فى نملة بتستحمى تاهت فى الليفة

هههههههههههههههههههههههههههه
مندي وربنا وربنا انت نجم ومش اي نجم
لا اكبر نجم منور في عالم الروعه والخيال
واحسن نجم في كوكب ديفيل تسلم ايدك يا معلم

هههههههههههههههههههههههههههههه

ههههههههههههههههههههههههههههههههه

هههههههههههههههههههه

هههههههههه

بجد جامد ياموندى

شكرا يا جماعه علي فكره انا عملت عندنا في الشركه 6 كتب نكت علي نفس الطريقه
اوعي

هههههههههههههههههههههههههههههه
روووووووووعه

مشكوووووووووووووووووووووور مندى

شكرا يا جميل