حديث الكافيه .......

صباح الفل على احلى الناس فى الكافيه
بصراحه انا تعبت كل لما ادخل الكافيه اكل واشرب وبس
ايه يا جماعه احنا مخصمين بعض ولالا ايه
ما فيش حد عايز يفتح موضوع يلمنا فى الكافيه
ونتكلم فيه كلنا بصفه عامه



ماشى انا عندى فكره انا هفتح موضوع لمده اسبوع نتناقش فيه كلنا
وبعد الاسبوع نفتح موضوع تانى
اوكى
علشان نحث اننا فعلالا واحد ونتعلم من راى بعض
وبلاش كلمه بقيد راى حد
وكمان اهم حاجه اللى يشترك معانا فى الحديث يكون مشترك معانا فى الكافيه
اللى يحبو بقى يتكلم وبعدين يشرب او يشرب وبعدين يتكلم
هو حر

موضوعى الا وهو

الحب من اول نظره


ويبدأ الحديث

هنااااااااااااااااااااااااااااااااااااااااااااااااااااااا

على كافيه ديفيل

ازيكم يا احلى شعب
الحب من اول نظره
انا مش عارفه
بس معتقدش انه حاجه كويس
نفرض انى فعلا شوفت شاب واعجبت بيه ومن شده اعجابى حبيته
وبعد ما حبيته يطلع مرتبط يبقى شكلى انا ايه
مع نفسى على الاقل
مش عارفه الموضوع كبييير
جدا يلا نشوف راى باقى الاعضاء

والله يا نونوش تسلم ايدك على الفكرة ديه

بس كده الناس هتدخل تتكلم ومش هتشرب حاجه

بس عمومآ

انا مش بحب فكره الحب الاولانى ديه

يعنى مينفعش اشوف حد واحبه من اول نظره

صحيح يانونوش مقولتيش يعنى تشربى ايه

لا يا ذكو الكافيه هيفضل مفتوح طبعا
واللى عايز يشرب يدخل يجيب مشروبو
وبعدين
يتكلم معانا


وتسلم
بس ليه مينفعش تشوف حد وتعجب بيه على طول
ايه السبب

اصل يا نونوش ممكن يكون الموضوع مجرد اعجاب

وانا مش مجرد انى اعجب ببنت يبقى خلاص حبيتها

واوهم نفسى انى ده الحب من اول نظره

يعنى بصراحه الحب من اول نظره

بالنسبالى ملهوش وجود

او يمكن عشان مجربتهوش

كل شىء جايز انا ممكن اكون بقيدك فى كلامك
بس مش عارفه ياراجل الموضوع منتشر بطريقه رهيبه
خلينا نشوف راى باقى الأعضاء يمكن يكون ليهم وجهت نظر
ولا انت مش معايا

انا بقيد رقى سونى انى ممكن اعجب بية لكن
احبة من اول نظرة لية
بس لانة اعجاب وممكن الظروف تحولوا لحب من الطرفين
فبيقولوا حب من اول نظرة

مرسى ياسونى

بس تعالى نفرض انى قلبك عملها ودق معاه من اول نظره

فى ساعات ناس مش بتقدر تتحكم فى قلبها

وممكن بعد كده تفكر فيه او فيها صبح والليل

على الفاض والمليان

وسعتها هيبقى غصب عنها

بمجرد انها شافتو

تفتكرى هتعمل ايه او هيعمل ايه

صاحب اول نظره

انا بتكلم بشكل عام ياذيكو انا قولتلك انى رافضه اصلا فكره الحب من اول نظره
بس اللى خلانى اتكلم انى فى ناس بتتعرض للموقف ده
وبما انى فتحت الموضوع
يبقى لازم ابصلو من جميع الاتجاهات علشان اوصل لحل نهائى
مش لانى بقيد الفكره
وادينا بنتناقش ونشوف باقى الشعب هيقول ايه

طبعا يا سونى
طيب تعالى نفرض ان القلب دق ومبالك لما القلب يدق
ممكن يعمل اى حاجه
تفتكرى لو قلبك دق وطلب انك تدورى عليه وتفكرى ازاى تشوفيه لتانى مره
وكل ده بسبب نظره
انا من راى ان اى انسان لما يكون عايز يعمل حاجه هيعملها
حتى لو واجه مشاكل
بس هيوصل
ولا ايه رايكم

على فكرة ياجماعه انا كتشفت انى مفيش حب

ومحدش يضحك عليه

هههههههههههههههههههههههههههههههه
انت بتجيب من الاخر ياذيكو
مافيش حب
هههههههههههه
ليه بس

للاسف هى ديه النهايه

مفيش حب

حتى الى بيحب هتبقى ديه اخرته

الى هيسمع الاغنيه ديه هيفهم انا عايز اقول ايه
http://www.zshare.net/audio/51617895092300e9/

ده اخر ريمكس عملته

ومكنتش ناوى انزله

بس بجد الى هيحب هيبقى اخره هيعيط

وهو بيسمع الاغنيه ديه

لا
لا
لا
لا
لا
ياذيكو الريمكس حزين جدا
وانت اكيد فى حاجه مزعلاك
خير يا راجل
احنا تحت امرك

هو في ايه يا جماعة الوضع متوتر هنا قوي
روقوا مفيش حاجة ملهاش حل
ولا ايه رأيك يا زيكو

انا بقول كده بردو يا بلاك
بس انتى ايه رايك فى الموضوع
الحب من اول نظره
انتى معاه ولا ضدضه
وليه

معلش يا نونوش انا جيت متأخر

بس فكرة جامدة اوى

وتسلم ايديك على التوبيك الجميل ده

بس انتى كدة هتخدى الزباين من عندنا

بس علشان انتى فاتحى جمب الكافيه

فهسيبك تاكلى عيش

بس هعمل معاكى اتفاق

وتزودى فى راس التوبيك

وهو

ان ماينفعش حد يدخل الحديث ده

الا ويكون مشترك معانا فى الكافيه

مستنى ردك

وبالنسبة للحب من اول نظرة

فده طبعا بيحصل كتير

بس يا ريت الموضوع الجاى

يبقي حاجة تقربنا لربنا

مستنى ردك يا برنسيسة

تسلمى نونوش فكره جميله جدا
انا من وجهه نظرى ان الحب من اول نظره دى مش حب بيبقى مجرد اعجاب
يا اما بيتحول لحب يا اما بينتهى لكن مفيش حاجه اسمها حب من اول نظره
مشكوووووووووووووره نونوش على التوبيك الرائع ده